الأخبارالأخبار السياسية
تريند

التعليقات الساخرة تنهال على (المكوِّن المدني) و(مجلس الوزراء) عقب لقاء “البرهان” و”نتنياهو”

سوداني نت:

إشتعلت وسائل التواصل الإجتماعي بالتعليقات الساخرة من المكون المدني بالمجلس السيادي، ومجلس الوزراء السوداني، خاصة عقب تصريحات وزيري الخارجية والإعلام، حيث نفت الأولى علمها باللقاء، بينما قال الثاني أنهم علموا به من وسائل التواصل الإجتماعي.

محرر “سوداني نت” رصد نماذج من التعليقات الساخرة يوردها أدناه:

(وزير الاعلام سمع بالخبر عبر وسائل الاعلام .

!!!!!!!

اجي!!)

(انا شايفة وزارة الإعلام دي بعد كدا يحلوها ويعملوا بدلها محل اقاشي بدل البهدلة دي 😂)

(البرهان قعّد أسماء في السهلة، علي السهلة الهي قاعدة فيها، أسماء شنو، عبدالله ذاتو قعدوهو في السهلة!)

(قالو كل الجماعه مقدمين استقالات جماعيه عدا (دسيس مان) 🤔🤣😜)

(وزيرة الخارجية السودانية: ليس لدي أي علم بشأن لقاء البرهان 🇸🇩 ونتنياهو 🇮🇱
__
يا حليلها، عرفت زينا من التلفزيون 🥴😂
اشربي الحليب وإتغطي كويس يا حاجه 👵🏾)

(يعني لو عاد البرهان وأكد لقاء نتيناهو،هل سيغضب المجلس ويعزله،هل سيخرج الوزراء الأمريكان من الوزارة احتجاجا للقاء؟🤫ما تخمونا🙊)

(واحد داقي جرس من لقاء حمدوك بغازي وفرحان بلقاء برهان بنتنياهو …
الان عرفت معنى مقولة (دين حجر)

(نحن مفتكرين صفقة 👏👏 القرن .. بعييدة مننا في (عكا وحيفا ودير يس) … طلعت عندنا في (العكد ودار حمر)

(كدي شوفو لينا حميدتي وين ديل كلهم جنازة بحر
أين أنت يا دقلووووو 😂)

(واااضحه وصريحة حبوبه قالت ليهم بري يطرشني ما سمعت بالزياره دي 😂😂😂)
‬‏
(حركة البرهان دي ما حركة زول حيسيب السلطة بعد 21 شهر ويبقى بتاع مناسبات وأعراس وفواتح .. شغل الإنتقالية بنعرفو وشغل الكنكشة بنعرفو !)

إضغط هنا للإنضمام إلى مجموعتنا على الواتساب

إضغط هنا للإنضمام إلى مجموعتنا على الواتساب (٢)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!