الأخبارالأخبار السياسية
أخر الأخبار

“مديرة مكتب” وزير التجارة توجِّه عبارات وُصفِت بـ”المسيئة” للقوات النظامية ومراسم الدولة

سوداني نت:

وجهت “منى قرشي” مديرة مكتب وزير التجارة والصناعة عبارات ساخرة وجارحة لمنتمين للقوات النظامية المختلفة وموظفي مراسم الدولة، في منشور على صفحتها بالفيسبوك رصده محرر “سوداني نت” وصفه متابعيها بـ”المسيئ”.

وقالت “منى” وهي تعلن عن قدوم وفد رسمي ألماني لزيارة البلاد: “الالمان ديل ناس بهتمو بالتفاصيل .. أكياس الوسخ السوداء المربطة جوه “القصر” دي شيلوها لموها ان شاء الله تدخلوها المكاتب”.

وأضافت موجهة حديثها لجنود الحرس الجمهوري: “هدوم قواتكم المشروره في الشدر دي لموها ان شاء الله يدبلو بيها زاتو الدنيا برد”

وأردفت “الاعلام المعلقة في التاتشرات والسور دي غيروها يا نزلوها غسلوها واكووها”.

وفي استخفاف منها بأفراد شرطة المرور قالت ساخرة: “ناس المرور والعساكر ديل وزعو ليهم جليسرين يتمسحو ويشكو قمصانهم دي ويلبسو جزم بدل السفنجات”.

وطالت سخريتها كذلك مراسم الدولة وهي تقول: “ناس المراسم وصوهم يفكو وشهم ده حبه ويطلعو النظارات السوداء جوه القاعات”.

وانهالت التعليقات الغاضبة على “منى” في صفحتها حيث قال أحدهم “عليكم الله ديل شنو الوقعنا فيهم ديل

المرحلة الجايه مدراء مكاتب الوزراء حايكونو ناس مروه الدوليه و ناس رشا الإنقاذ

كيف الزوله دي مديرة مكتب وزير اتحادي

من وين جابو الناس ديل”.

وقال آخر “طيب حتدسو صفوف العيش كيف من الالمان؟ عشان تخفو فشلكم ..صفوف العيش برضها مخجلة وشينة ذي كلامك ده”.

وفي تعليق آخر لأحدهم “ما دفاع عن زول .. بس انتي كمسئولة في الحكومة القوات دي وناس المرور هم تحت ادارتكم واشرافكم وان اختلفت المعطيات .. في اجتماع مشترك اي توضيح ليك في شانهم او توجيه تعمليهو و تدي لي الوزير الانتي تحتو وهو بدورو يرتب الورق دي و يناقشها في اجتماع مجلس الوزراء مع ناس الأمن والدفاع في شان السفنجات و غباشة ايدين ناس المرور ..
اي تناول للقضية في صفحتك هنا من باب الهتر دة عدم احترافية منك في النقطة دي كزولة يرتجي منك كثير زي ما قدمت كثير ..
انتو ما نشطاء الان انتو ادارتنا وغصبا عننا وحكومتنا يبقا اي هناي زي دة ما مقبول .. لقيتي ناس المرور ديل مغبشين او لابسين سفنجات تجيبي ليهم او تكلمي الوزير المسئول منهم يجيب ليهم جزم سمحة ومعاها عطور كمان مش حكومة في بعضيكم ..”.

وكتب معلق آخر “والله انتو ابتلاء ابتلينا به”

وأضاف أحدهم “دا كلام فارغ بس

انت ناسية مكانتك الوظيفية وللا شنو

الكلام دا قوليهو لوزيرك بدل التريقة والكلام الماسخ دا واللغة الغير مؤفقة في الإنتقاد دي

تتردمي تقومي تعملي لينا حركات داليا الروبي ديك تنمُر وبتاع✋”.

إضغط هنا للإنضمام إلى مجموعتنا على الواتساب

إضغط هنا للإنضمام إلى مجموعتنا على الواتساب (٢)

إضغط هنا للإنضمام إلى مجموعتنا على الواتساب (٣)

إضغط هنا للإنضمام إلى مجموعتنا على الواتساب (٤)

إضغط هنا للإنضمام إلى مجموعتنا على الواتساب (٥)

إضغط هنا للإنضمام إلى مجموعتنا على الواتساب (٦)

إضغط هنا للإنضمام إلى مجموعتنا على الواتساب (٧)

إضغط هنا للإنضمام إلى مجموعتنا على الواتساب (٨)

إضغط هنا للإنضمام إلى قناتنا على التليغرام

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
إغلاق
إغلاق