الأخبارالأخبار السياسية
أخر الأخبار

“البوشي” تتعرض لتعليقات “ساخرة” بسبب تغريدة لها في “تويتر”

سوداني نت:

تعرّضت وزيرة الشباب والرياضة “ولاء البوشي” إلى موجة من التعليقات الساخرة، إثر تغريدة لها على تويتر، تحدثت فيها عن الوضع الإقتصادي المتردي بسبب الديون وتركة النظام السابق مستشهدة بأرقام عن قيمة ديون السودان الخارجية ونسبة الفائدة عليه.

وكتبت البوشي: “شح النقد الأجنبي هو نتاج طبيعي للتركة الثقيلة من النظام البائد من نظام إقتصادي منهار مثقل بالديون التي تصل ل ٧٠ مليار دولار تقريبا، التهريب لهذه السلع الإستراتيجية عبر الحدود البرية من العوامل الأخري التي فاقمت من حدة الأزمة”

وانهالت على “البوشي” ردود لاذعة وساخرة من تغريدتها، واعتبرها معظم المعلقين (إنصرافية) من الوزيرة وتدخُّل في اختصاص غير اختصاصها.

يُذكر ان “البوشي” سبق وأغلقت حسابها على فيسبوك عقب تعيينها وزيرة للشباب والرياضة، وكانت لها منشورات تسخر فيها من رئيس المجلس السيادي ونائبه، وتُحرِض في بعضها على حكومات السعودية والأمارات.

ورصد “سوداني نت” بعض الردود على تغريدة “البوشي” نوردها أدناه، حيث قال بعض المعلقين:

“وعلاقتك بالنقد الأجنبي شنو ؟! دا توغل منك في مهام وزارت تانية نقعد نشرح ليكم شغلكم لمتين ياكفاءات”

 

“ي أستاذة حاولي علي قدر الإمكان اطلعي من جلباب النشطاء انتي حاليا وزيرة في الحوش الكبير الاسمو سودان ده، وعندك مهام معين تقوم بيها و علي ما اعتقد موضوع الاقتصاد ده ما من مهامك #عشان كده من البداية قلنا كفاءات”

 

“منو قال ليك الديون للسودان ٧٠مليار دولار هي كلها ٥٦ مليار وبعدين الديون دي ما تركه نظام السابق امشي اسألي فاروق ابوعيسي في نظام مايو عن قروض ١٧ مليار فوائد بسببه السودان لحدي الان بعاني من تبعاته الاستدانه الهمجيه من المؤسسات الدوليه التمت في نظام مايو الشيوعي”

 

“لا رياضة لا رياضيات؟ الكلام أخلاق الثورة، يعني زولة وزيرة ما ممكن بجهد بسيط قبل التغريدة تعرف ديون السودان كم؟ بتاع تحويل الرصيد عارف”.

 

“علاقة وزيرة الشباب والرياضة بالملف الاقتصادي شنو ؟ الزولة دي محتاجة زول يقعدها في الواطة ويفهمها الفرق بين وزيرة وناشطة شنو !! بعدين معلوماتها بعد دا كلو غلط ديون السودان حوالي 58 مليار لم تصل بعد 70 مليار ، والمبلغ تراكم لأصل الدين وهو لا يتجاوز 18 مليار ، والتراكم بتاع الفوائد دا بدأ من سنة 1958 !! ودا كلام وثائق مش طق حنك بتاع نشطاء ! بعدين علاقة الديون بشح النقد الأجنبي شنو ؟؟ وتهريب السلع الاستراتيجية برضو ؟؟ الدخل الموضوعين ديل في موضوع الديون شنو ؟؟ الأزمة سوء الادارةً ونوعية الكفاءات الفالصو الزيك …الله يكون في عون السودان قحت وكرونا مع بعض ..دا غضب رباني ..”

إضغط هنا للإنضمام إلى مجموعتنا على الواتساب (١٦)

إضغط هنا للمحاولة في بقية مجموعات الواتساب من (١) حتى (١٥)

إضغط هنا للإنضمام إلى قناتنا على التليغرام

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
إغلاق
إغلاق