نائب رئيس “مجلس السيادة” في تصريح خطير: “السفارات مسيرانا وبإرادتنا”

سوداني نت:

أقر نائب رئيس “مجلس السيادة الإنتقالي” قائد “قوات الدعم السريع” الفريق أول “محمد حمدان دقلو” بالتدخلات الخارجية في البلاد، قائلاً: “كان قلنا مافي تدخلات كضبنا وكان قلنا ما مسيرانا السفارات كضبنا .. لكن دا بإرادتنا نحن وبطوعنا نحن وباختيارنا نحن.

وأعلن “حميدتي” في مخاطبة جماهيرية له بـ”دارفور” مساندته للتسوية الجارية حالياً بين المكون العسكري وبعض أحزاب “قحت المركزي” قائلاً: “يا جماعة الاتفاق الماشي دا نحن مؤيدنو وماشين فيه دايرين نمرق من الورطة دي.

وأضاف: “عشان كدا موضوع الخارج وما الخارج لو نحن كلنا ختينا يدنا مع بعض واتفقنا مع بعض مافي زول بستعمرنا وبي طريقتنا دي الاستعمار حيرجع لينا تاني لكن بلقانا تحت الواطة ما بلقانا فوق.

ودعا “حميدتي” لما اسماه بـ”عدم المتاجرة بالدين” وقال: “برضو موضوع المتاجرة بالدين وما عارف إيه الكلام دا أبعدوا منو يا جماعة خلونا نفهم قضيتنا، خلونا نعرف عدونا من صليحنا .. خلونا نمشي لي قدام نخت يدنا ننمي بلدنا دي.

كما قطع “حميدتي” بوضع حد للفوضى في دارفور وترك الخرطوم مضيفاً: “والله نجي نقعد ليكم في خلاء الله ده، نحن ولدونا تحت الشجر بس خلي الخرطوم دي تبرد”.

إضغط هنا للإنضمام إلى مجموعتنا على الواتساب (٣١)

إضغط هنا للمحاولة في بقية مجموعات الواتساب من (١) حتى (٣٠)

إضغط هنا للإنضمام إلى قناتنا على التليغرام

تابعنا على “أخبار قووقل”